ДРМС дар Душанбе       31 августи соли 2023   

Санаи 31 августи соли 2022 Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе, Рустами Эмомалӣ дар ҳамроҳӣ бо Президенти Донишкадаи рушди менеҷменти Сингапур доктор Эрик Куан ва ректори Филиали Донишкадаи рушди менеҷменти Сингапур дар Душанбе Мухторов Зайнидин дар мавзеи ба Донишкадаи мазкур ҷудошуда барои оғози сохтмони кампуси Донишкада санги асос гузоштанд.

Мавриди зикр аст, ки Донишкадаи рушди менеҷменти Сингапур соли 1956 таъсис ёфта, худ як муассисаи касбии ғайритиҷоратӣ барои омӯзиши бардавом фаъолият мекунад. Донишкадаи рушди менеҷменти Сингапур бо донишгоҳҳои маъруфи Британияи Кабир ва Иёлоти Муттаҳидаи Амрико ҳамкории густурда дошта, курсҳои аккредитатсияшудаи байналмилалиро дар соҳаҳои тиҷорат ва менеҷмент, муҳандисӣ, тарроҳии мӯд ва ҷавоҳирот, тандурустӣ, технологияҳои иттилоотӣ, забонҳо ва маориф, илмҳои биологӣ, ВАО ва коммуникатсия, психология, мудирияти туризм ва меҳмондорӣ, ҳамчунин ҳифз ва мудириятия муҳити зист татбиқ менамояд.

Ҳадафи асосии Донишкадаи рушди менеҷменти Сингапур дастрас кардани имконоти гуногуни таҳсилот барои ҳамагон  мебошад. Ҳамчун як муассиса мутахассисони он барои омодасозии мутахассисони босалоҳият тавассути барномаҳои эътирофшудаи соҳавӣ барои ояндаи ҷомеаи башарӣ талош меварзанд.

Донишкадаи рушди менеҷменти Сингапур фарҳанги омӯзиши дарозмуддатро барои тарбия ва сатҳи баланд расонидани иқтидори касбии донишҷӯёни фаро мегирад ва дар ин росто барномаҳои гуногун барои гирифтани дипломҳои касбӣ, ихтисосҳои гуногуни бакалавриатура, магистратура ва дараҷаҳои докторӣ дар ҳамкорӣ бо шарикони байналмилалӣ пешниҳод менамояд.Ҳамаи барномаҳои таълимӣ мувофиқи соҳаҳои дахлдори амалкунандаи Ҷумҳурии Сингапур ва ҳамчунин кишварҳои гуногуни олам татбиқ мешаванд ва барномаҳо аз ҷониби мутахассисони варзида ва пажуҳишгарон таълим бо назардошти тамоюлҳои рушди муосири саноат таълим дода мешаванд.Донишкадаи рушди менеҷменти Сингапур кампусҳои таълимии худро дар Сингапур, Малайзия, Узбекистон дошта, ҳамакнун боз як кампуси нав дар Душанбе ба фаъолият шуруъ мекунад.Мавриди зикр аст, ки Осиёи Марказӣ ҳоло давраи рушди бесобиқаи худро аз сар мегузаронад. Дар ин росто кишварҳои минтақа, аз ҷумла Тоҷикистон, пас аз гузаштани бемории ҳамагири COVID-19 дубора иқтисодиёти худро рушди тоза мебахшад. Аз ин лиҳоз дар кишвар рушди соҳаҳои тиҷорат, саноату истеҳсолот, сайёҳӣ ва меҳмондорӣ аз самтҳои афзалиятнок дониста мешаванд. Рушди рӯзафзуни ин соҳаҳои муҳими иқтисодиву иҷтимоиро бо иқтидори мутахассисону кормандони баландихтисос метавон роҳандозӣ намуд ва аз ин лиҳоз ҳайати мутахассисони роҳбарикунандаи муваффақ ва босалоҳиятро ба камол расондан дар шароити имрӯз як амри зарурӣ аст. Барномаҳои таълимию касбии Донишкадаи рушди менеҷменти Сингапур махсусан барои омодасозии роҳбарони хушсалиқа бо малакаҳои созгор ба муносибатҳои нав ва бо назардошти рушди самтҳои афзалиятноки кишвар таҳия ва татбиқ мешаванд.Донишкадаи рушди менеҷменти Сингапур дар Душанбе барномаҳои таълимии махсусро барои омода кардани менеҷерон дар бахшҳои тиҷорат, мудирияти саноат, технологияҳои иттилоотӣ ва киберамният, ҳамчунин туризм ва меҳмондорӣ барои оғози кор пешниҳод мекунад. Ин барномаҳо барои гирифтани ихтисос ва дараҷаҳои дипломи касбӣ, бакалавриатура ва магистратура пешниҳод карда мешаванд. Бо назардошти тамоюли иқтисодиёт ва ҳаёти иҷтимоии Ҷумҳурии Тоҷикистон, Донишкада дар солҳои оянда барномаҳои дигари мувофиқро дар риштаҳои гуногун пешниҳод хоҳад намуд.Ҳадафи аслии таъсиси MDIS Душанбе таҳкими ҳамкориҳои Тоҷикистону Сингапур, ҳифз ва такмили иқтидори зеҳнию касбии ҷавонон, эҷоди рақобати солим дар соҳаи илму маориф ва таъмини бозори меҳнат бо мутахассисони варзида мебошад.Бояд гуфт, ки тамоми барномаҳои таълимӣ, равандҳои омӯзишу таълим ба забони англисӣ, ҳамчун забони муошарату муносибатҳои соҳаи тиҷорату саноати байналмилалӣ сурат мегирад ва аз ҷониби омӯзгорони варзидаи байналмилалӣ таълим дода мешаванд. Донишҷӯёне, ки дар MDIS Душанбе таҳсил мекунанд, соҳиби ихтисос ва дараҷаҳои касбии эътирофшудаи байналмилалӣ гардида, барои дарёфти ҷои кор дар соҳаҳои дахлдори худ муваффақ хоҳанд шуд.MDIS Душанбе қабули довталабанро барои се барнома, аз ҷумла Шаҳодатномаи касбӣ аз забони англисӣ, Дипломи касбӣ дар соҳаи сайёҳӣ ва меҳмоннавозӣ ва Сертификати барномаи таҳсилоти умумикасбии Донишкада дар соли 2022 ва дар соли 2023 пешниҳоди барномаҳоро барои ихтисосҳои дараҷаи бакалавриатура ва зинаҳои дигар оғозмекунад.