Рӯзҳои 28-30 апрел дар маркази савдои «Сиёма»-и шаҳри Душанбе MDIS Душанбе дуюмин Намоиши ташвиқоти (ROAD-SHOW) худро ро баргузор кард. Чорабинии мазкур басо ҷолибу пазируфтанӣ буд ва ширкаткунандагон бо барномаҳо ва имкониятҳои гуногуне, ки дар MDIS Душанбе барои донишҷӯён ва волидон пешниҳод гардиданд, таассуроти хуб гузошт.

Дар ин чорабинӣ барномаҳои марбут ба ихтисосҳои гуногун дар заминаи MDIS Душанбе муаррифӣ гардиданд, ки Шаҳодатномаи касбӣ аз забони англисӣ, Дипломи касбӣ дар соҳаи сайёҳӣ ва меҳмоннавозӣ ва Сертификати барномаи таҳсилоти умумикасбии MDIS Душанбе аз ҷумлаи онҳо буданд. Ширкаткунандагон тавонистанд дар бораи муҳтаво, сохтори курсҳо ва нақшаи таълимии марбут ба ҳар як барнома, инчунин дар бораи имкониятҳои барои таҷрибаомӯзӣ ва коромӯзиҳои дастрас маълумоти бештар гиранд.

Дар ин росто намояндагони MDIS Душанбе ба масъалаҳои таъмини таҳсилоти босифат ба донишҷӯён, тамаркуз ба омӯзиши бардавом ва малакаҳои муҳими касбӣ ва иҷтимоӣ, ки дар фаъолияти мутахассисони оянда дар бозори меҳнат заруранд бештар таъкид намуданд. Нуктаҳои муҳими Намоиши ташвиқотии мазкур машваратҳои як ба як ва рӯбарӯи довталабон бо мушовирони барномаҳо, дар бораи тахфифҳои таълимӣ, низоми таълим ва тӯҳфаҳои ҷолиби намояндагони  MDIS Душанбе буданд.

Дуюмин Намоиши ташвиқоти MDIS Dushanbe собит намуд, ки барои касби таҷрибаи арзишманд ва ҳамаҷониба муфиди омӯзишӣ, азбарнамоии донишҳои мутобиқ ба талаботи бозори меҳнати даврони муосир ва оянда, омӯзиши малакаҳои мутахассиси муваффақ дар риштаҳои гуногуни ҳаёти иҷтимоӣ барои донишҷӯён фазои созгору арзандаро фароҳам меорад.

Давоми чорабинии мазкур намояндагони MDIS Душанбе ба ҳамаи иштирокчиён изҳори сипосу миннатдорӣ намуда, таъкид намуданд, ки онҳо бесаброна интизори истиқболи донишҷӯёни нав мебошанд, зеро маҳз ҳамин интихоб барои донишҷӯён заминаи устувору мукаммали таълимӣ ва имкони касби малакаву донишҳои замонавӣ ва созгору мувофиқ бо орзуву ормонҳои ояндаи онҳоро фароҳам хоҳад овард.